STAIU CIRCANNU A ME TERRA

Staiu circannu a mè terra

staiu circannu u so ciavuru,

a cercu a tutti banni

comu nà foddi scappata ri notti.

Pì tantu tempu un a vosi sentiri

enutuli ca mi chiamava,

un c’era peggiu surdu ri mia

e chiù mi circava

e chiossai m’alluntanava ri sta lingua fucusa.

Ora comu ci ù ricu

ca ri idda m’affruntava?

quali paroli pozzu usari

pi addumannarici pirdunu?

Staiu circannu a mè terra

a stessa terra cà mi rapia i vrazza

ogni bota chi turnava

e lacrimi rispirati facia

quannu mi innia

E io…

senza mancu vutarimi

facia puru finta ri un canuscilla.

Senza sangu ntè vini

e senza radici ia caminannu,

pisanti eranu i mè peri supra i so spaddi

e comu ogni cosa tirata a longo…

a corda si rumpiu

e idda… si scurdò ri mia.

Ora mi sentu muta e orba,

agghiuttuta ru silenzio

ri sta notti ,

nguttumata…

staiu circannu a mè terra

cavura, culurata, mprofumata ri biddizzi

a staiu circannu

pi truvari puru a mia.

(Mara Turdo)

08/07/2012

STO CERCANDO LA MIA TERRA

Sto cercando la mia terra/ sto cercando il suo odore,/ la cerco in tutti i posti

come una folle scappata di notte./ Per tanto tempo non ho voluto sentirla/ inutile che mi chiamava,/ non c’era peggior sordo di me/ e più mi cercava/ e più mi allontanavo da questa lingua focosa./ Ora come glielo dico/ che di lei mi vergognavo?/ quali parole posso usare/ per chiederle perdono?/ Sto cercando la mia terra,/ la stessa terra che mi apriva le braccia/ ogni volta che tornavo/ e lacrime disperate versava/ quando me ne andavo/ E io…/ senza nemmeno voltarmi/ facevo pure finta di non conoscerla.

Senza sangue nelle vene/ e senza radici andavo camminando,/ pesanti erano i miei piedi sulle sue spalle/ e come ogni cosa tirata a lungo…/ la corda si ruppe/ e lei… si dimenticò di me./ Adesso mi sento muta e cieca,/ inghiottita dal silenzio/ di questa notte con la voglia di piangere…/ Sto cercando la mia terra/ calda, colorata,/ profumata di bellezza,/ la sto cercando/per trovare /anche me.